د افغانستان بانک او سویلي آسیا هېوادونو د مرکزي بانکونو ترمنځ د همغږۍ غونډه ترسره شوه

د خپرېدو نېټه: Jul 02, 2018

د سویلي اسیا هیوادونو د مرکزي بانکونو د مشرانو شپږدیرشمه(36) غونډه  د روان زیږدیز  کال د جون  د میاشتې په27 نېته د نيپال هیواد پلازمينې کټمنډو کې د افغانستان بانک په ریاست  په بریالیتوب پای ته  ورسیده .

غونډې د افغانستان بانک د تولو رییس ښاغلي خلیل صدیق په وینا، پیل او زیاته کړه چې د سویلي آسیا هېوادونه ډیر شتمن دي،د نړۍ په اقتصادي پرمختګ کې مهم رول لري  او د نړۍ اقتصاد ته یې ډير بشري ځواک وړاندې کړی دی.

د افغانستان بانک د تولو رییس په دی غونډه کې د سویلي آسیا هېوادونو ترمنځ د مالي وړتیا لوړونې، مالي شمولیت، د سوداګریز بانکونو څار، د مالي راکړو او ورکړو آسانه کول، اقتصادي څیړنتیا او په یو شمیر نورو مهم موضوعات تر بحث ورسته له ټولو  غړو هیوادونو یې غوښتنه وکړه چې په یادو برخو کې یو له بل سره تجربې شریکې تر څو ټول هیوادونه  ترې ګټه پورته کړي .

د یادونې وړ ده چې په دې غونډه کې  د افغانستان بانک مشر ښاغلي خلیل صدیق،د افغانستان بانک د پولي سیاست د عمومي امریت مرستیال او د سارک دویم همغږی کوونکی ښاغلي  نایب خان جمال او د سیمه ایز اقتصاد شننونکی او همغږی کوونکی ښاغلي محمد داود نیازي ګډون درلود .