پیردل | پلورل | |
---|---|---|
امريکايي ډالر | 76.8688 | 76.6688 |
يورو | 86.4706 | 85.8706 |
انګليسى پونډ | 99.7766 | 98.9766 |
- زمونږ په اړه
- لیدلوری او ماموریت
- موخې
- اصلي دندې
- د افغانستان بانک بنسټیز او محوري ارزښتونه
- عالي شورا
- عامل پلاوی
- آمریتونه
- د ریاست د دفتر عمومی آمریت
- د پولي سیاست لوی آمریت
- د مالي چارو د څارنې لوی آمریت
- د بازار عملیات لوی آمریت
- د ټولو ناظر اداره
- د مالي شخړو د حل کمېسیون پیژندنه
- د مالي استخباراتو اداره
- د افغان امانتونو د بیمې اداره
- د عامه اعتباراتو د ثبت اداره
- د مالي او محاسبې لوی آمریت
- د معلوماتي تکنالوژۍ لوی آمریت
- د بشري منابع لوی آمریت
- د حقوقي مشاوریت اداره
- د بانکي عملیاتو لوی آمریت
- د تادیاتو لوی آمریت
- د نړیوال بانک د تمویلي پروژو لوی آمریت
- د خدماتو لوی مدیریت
- د مالی خدماتو د پراختیا لوی آمریت
- د تدارکاتو آمریت
- د مالي خطرونو آمریت
- زون / نمایندګی
- پولي سیاست
- مالي څارنه
- قوانین او مقررې
- رسنیز مرکز
- مالی صورت حساب
- تدارکات او استخدام
د مالی خدماتو د پراختیا لوی آمریت
څیړنې ښایي چې مالی پراختیا د سترو اقتصادی اهدافو لکه ټولیزه وده، د فقر او عاید د نا برابری کموالی او په هیواد کی د هوساینی په راوستلو کی ستر رول لوبوی. د مالی خدماتو د پراختیا ارزښت او د نړیوالو ادارو لکه نړیوال بانک او د پیسو نړیوال وجهي صندوق (IMF) وړاندیزونو ته په کتو د افغانستان بانک د 2016 میلادی کال د جون په میاشت کی د مالی خدماتور پراختیا لوی آمریت تاسیس کړ ترڅو مالی خدمات ته عامه لاسرسی پراخه او د افغانستان لپاره د مالی خدمات پراختیا ملی ستراتیژی (NFIS) جوړه کړی.
لید لوری
د مالی خدماتو د پراختیا لوی آمریت لید لوری د افغانستان ځوان نسل او په ځانګری ډول فقیر، کم عاید لرونکو او محرومو وکړو، د لوړو کیفیت لرونکو مالی خدماتو ته د خوندی، آسان، مناسب، اقتصادی او دومداره لاسرسی آسانتیا برابرول دی. پدی خدماتو کی بانکی حساب، د سپما حساب، د تقاعد حساب، بیمه، پور او مناسبو تادیاتی وسايلو ته لاسرسی شامل دي.
موخې
د مالی خدماتو د پراختیا لوی آمریت د خپل کاري استقامت په لور، لاندې منځ مهاله او وروستئ موخې تعقیبوي:
- منځ مهاله موخی
- رسمی مالي خدمتونو ته د عامه او په ځانګړې ډول د فقیر او کم عاید لرونکې طبقې د لاسرسي زیاتوالې
- د مالي خدمتونو د مشتریانو حقوق تامینول
- په افغانستان کی د مالي سکتور د مشتریانو د مالي پوهې او وړتیا ښه کول
- د ټولیزی اقتصادی ودې لپاره پیاوړې او خوځنده زمینه برابرول
- د رسمی مالی خدمتونو کارولو کلتور د ودی او پیاوړتیا لپاره کار کول
- وروستۍ موخی
- په هیواد کې د مطلق فقر کمول
- د عاید نا برابری کمول
- د عامه هوساینی تامین
دندې او مسؤلیتونه
د مالی خدماتو د پراختیا لوی آمریت دندې او مسؤلیتونه په لاندې ډول دې:
- په هیواد کې مالي خدماتو ته د عامه لاسرسی په وړاندی د ننګوونو او خنډونو د پیژندلو لپاره تشخیصی مطالعات تر سره کول.
- په هیواد کې مالي خدمتونو ته د عامه لاسرسی پراختیا د تګلاری جوړولو لپاره وړاندیزونه ورکول.
- افغانستان لپاره د مالی خدماتو پراختیا ملی ستراتیژی (NFIS) جوړول.
- د مالي پوهې او وړتیا د سطحی لوړولو لپاره د ملي ستراتيژۍ جوړول.
- د مالی خدماتو پراختیا ملی ستراتیژی د تطبیق لپاره د څارنی اغیزمن سیستم ایجادول.
- ټا کلو موخو ته رسیدو لپاره د مالی خدماتو پراختیا ملی ستراتیژی تطبیق د اغیزمنتیا ارزونه.
- مالي خدمتونو د مصرفوونکو د حقوقو ساتنی او ملاتړ لپاره اړوند قوانین او مقررې جوړول.
- مالي خدمتونو ته د لاسرسی په موخه روزنیز او د عامه پوهاوې ورکشاپونه او پروګرامونو جوړول.
تشکیلاتی جوړښت
اوس مهال، د مالی خدماتو د پراختیا لوی آمریت د آمر او مرستیال په ګډون لس تخنیکي کارکونکي لري. دا آمریت لاندی پنځه برخې لري:
- د پالیسۍ او مقرراتو برخه
دا برخه د مالی خدماتو د پراختیا له نظره د افغانستان بانک د اوسني قانوني او مقرراتي کاري چوکاټ د بیا کتنی او د نړیوالو معیارونو سره د پرتله کولو مسؤلیت په غاړه لری. برسیره پردی، دا برخه د هغه حقوقي او مقرراتي خنډونو پیژندلو دنده پرغاړه لری چی په هیواد کی د مالی خدماتو پراختیا محدودوی او د یومتحرک او وړ حقوقی کاری چوکات د رامنځ ته کولو لپاره د پالیسئ په برخه کی د موثرو اصلاحاتو راوستلو لپاره خپلی سپارښتنی وړاندی کوی ترڅو په هیواد کی د مالی خدماتو په پراختیا کی مرسته وکړی.
- د ارقامو او تحلیل برخه
دا برخه نړیوالو لارښودونو ته په کتو د معلوماتو راټولو او مالي پراختیا د شاخصونو د تحلیل او د اړتیا وړ تشخیصی مطالعاتو د انجام لپاره د عرضې او تقاضا اړخونو سروې ډیزاین او ترسره کولو، د مالی خدماتو پراختیا ملی ستراتیژی د تطبیق د پروسی نه د نظارت لپاره یو جامع ډیټابیس جوړولو دنده پرغاړه لری.
- د مالي سکتور د بیخبنسټونو برخه
دا برخه د مالی سکتور د بیخبنسټونو چی پکی د اداینی، معلوماتو او حقوقی بیخبنسټونه شامل دی، د مطالعی او ددی د پیاوړتیا او پراختیا لپاره اړونده آمریتونو سره په همغږئ د تخنیکی سپارښتنو واړندی کولو دنده پرغاړه لری.
- مالی خدماتو د پیرودونکو د حقوقو د خونديتوب برخه
د پیرودونکو د حقوقو د خوندیتوب لپاره د تشخیصی مطالعاتو د ترسره کولو، د مناسبو مالی محصولاتو د ډيزاین او لیږد څارنه، د اداینی د توان نه زیاتو پورونو ورکولو مخنیوی، مالی خدماتو په وړندی کولو کی شفافیت، د پیرودونکو سره مناسب اود درناوي چلند، د پیرودونکو د معلوماتو محرمیت او د هغوی د شکایتونو ته د رسیدو لپاره مناسب میکانیزم جوړول ددی برخی له دندو څخه دی.
- د اړیکو او عامه پوهاوۍ برخه
د اړیکو ټینګولو او عامه پوهای لپاره د یوکاری چوکاټ رامنځ ته کول، مالی معلوماتو د لیږد لپاره د اړونده وسایلو تشخیص، مریوطه ادارو سره د مالی خدماتو استعمالونکو ته د معلومات د لیړد لپاره همغږی رامنځ ته کول، د عامه پوهاوی د موجوده لارو چاور او د مالی زده کړو بیا کتنه او د نړیوالو معیارونو سره یی پرتله ددی برخی د عمده مسؤلیتونو څخه دی.