وروستی اپډیټ 4/7/2019
| پیردل | پلورل | |
|---|---|---|
| امريکايي ډالر | 76.8688 | 76.6688 |
| يورو | 86.4706 | 85.8706 |
| انګليسى پونډ | 99.7766 | 98.9766 |
ښاغلی خلیل الله صدیق د افغانستان بانک د رئیس په توګه د ولسي جرګې د باور رایه ترلاسه کړه
د خپرېدو نېټه: Jul 11, 2015
ښاغلی خلیل الله صدیق د افغانستان بانک د رئیس په توګه د ولسي جرګې د باور رایه ترلاسه کړه. د افغانستان بانک مشر تابه پلاوی او کارکوونکي د دې بریالیتوب د مبارکۍ ترڅنګ د لوی خدای (ج) له دربار څخه ورته په کاري چارو کې د لا بریاوو هیله کوي.
ښاغلی خلیل الله صدیق چې د هېواد د بانکي او مالي نظام په برخه کې ډیرې تجربې لري، د پولي سیاست، مالي چارو، اسلامي بانکدارۍ او د تادیاتي نظام په برخو کې د یو لړ پروګرامونو په وړاندې کولو سره د ملت د استازو د تائید وړ وګرځیده. د افغانستان بانک ډاډه دی چې دا اداره به د دوی تر رهبرۍ لاندې د معقولو پولي سیاستونو د پلې کیدو، د مالي نظام د ټینګښت او ټیکاو او د محوري ارزښتونو د پلي کیدو په برخه کې لا زیاتې بریاوې ترلاسه کړي او د اقتصاد په پراختیا او وده کې به د پام وړ رول ولوبوي.
