پیردل | پلورل | |
---|---|---|
امريکايي ډالر | 76.8688 | 76.6688 |
يورو | 86.4706 | 85.8706 |
انګليسى پونډ | 99.7766 | 98.9766 |
- زمونږ په اړه
- لیدلوری او ماموریت
- موخې
- اصلي دندې
- د افغانستان بانک بنسټیز او محوري ارزښتونه
- عالي شورا
- عامل پلاوی
- آمریتونه
- د ریاست د دفتر عمومی آمریت
- د پولي سیاست لوی آمریت
- د مالي چارو د څارنې لوی آمریت
- د بازار عملیات لوی آمریت
- د ټولو ناظر اداره
- د مالي شخړو د حل کمېسیون پیژندنه
- د مالي استخباراتو اداره
- د افغان امانتونو د بیمې اداره
- د عامه اعتباراتو د ثبت اداره
- د مالي او محاسبې لوی آمریت
- د معلوماتي تکنالوژۍ لوی آمریت
- د بشري منابع لوی آمریت
- د حقوقي مشاوریت اداره
- د بانکي عملیاتو لوی آمریت
- د تادیاتو لوی آمریت
- د نړیوال بانک د تمویلي پروژو لوی آمریت
- د خدماتو لوی مدیریت
- د مالی خدماتو د پراختیا لوی آمریت
- د تدارکاتو آمریت
- د مالي خطرونو آمریت
- زون / نمایندګی
- پولي سیاست
- مالي څارنه
- قوانین او مقررې
- رسنیز مرکز
- مالی صورت حساب
- تدارکات او استخدام
د افغانستان بانک د عالي شورا د څلورمې غونډې مطبوعاتي بیانیه
کابل، ۱۳۹۴ د مرغومې ۸- د افغانستان بانک د عالي شوار څلورمه غونده د ۱۳۹۴ مالي کال د مرغومې د میاشتې په ۵ او ۶ نېټه جوړه شوه. په دې غونډه کې د ۱۳۹۴ مالي کال اجراات، په تیره بیا د پولي او اسعاري سیاست د پلي کیدو څرنګوالی، د مالي او بانکي سکتور وضعیت، د اسعاري زېرمو وضعیت او په اجنډا کې نور درج شوي موضوعات تر بحث او څېړنې لاندې ونیول شو.
عالي شورا لومړی په افغانستان کې د اقتصادي ودې او د پړسوب نرخ د وضعیت او لیدلوري، د اداینو د بیلانس د عمومي وضعیت، مالي سکتور ( د دولت عواید او لګښتونه) او د بهرنیو اسعارو پر وړاندې د افغانۍ د تبادلې د نرخ د پولي متحولونو او بدلونونو او د هېواد د بانکي سکتور د وضعیت په اړه چمتو شوی راپور واوریده.
د افغانستان بانک عالي شورا د هېواد د پولي او اسعاري سیاست د تطبیقولو د څرنګوالي په اړه له هر اړخیز غور او بحث وروسته د هېواد د پولي او اسعاري نظام، په ځانګړې توګه د امنیتي وضعیت د خرابوالي او د ګډوالۍ بهیر د زیاتیدو له امله په ناوړه وضعیت او شرایطو کې د مبادلې د نرخ د مدیریت په برخه کې د افغانستان بانک تدبیرونه او اقدامات، اغیزناکه او مثبت وارزول.
عالي شوار د پیسو له نړیوال صندوق سره په ګډ اقتصادي پروګرام کې د مقداري شاخصونو او د جوړښتي سمونونو د اړوندو ژمنو په برخو کې د افغانستان بانک لاسته راوړنې، د پیسو له نړیوال صندوق سره د یو اوږد مهاله اقتصادي پروګرام د پیلیدو په برخه کې یو مهم ګام او په د افغانستان بانک کې د ظرفیت شتون او سمونونو ته ژمنتیا، نړیوالې ټولنې ته یو مثبت پیغام وارزاوه.
د افغانستان بانک عالي شورا د ۱۳۹۵ مالي کال لپاره د هېواد د پولي او اسعاري پلان د تصویبیدو ترڅنګ د بانک عامل پلاوي ته واک ورکړ څو د صادر شویو کړنلارو په رڼا کې او د مناسبو، محتاطه او عملي اقداماتو او تدبیرونو په نیولو سره، خپل فعالیت ترسره کړي.
همدا ډول عالي شورا د بانکي نظام د خوندیتوب، ټیکاو او ټینګښت په برخه کې د افغانستان بانک د اجرااتو او پرمختیاوو راپور په هر اړخیزه توګه وڅېړه او د دوامداره څارنیزو او تنفیذي اقداماتو په پراختیا باندې د ټینګار ترڅنګ یې د مقرراتي بېخبنسټونو د پیاوړتیا او د نړیوال پیژندل شویو معیارونو په کچه د څارنیزو او مقرراتي معیارونو د لوړولو په موخه د شتمنیو د ډله بندۍ د مقررې تعدیلول، د اړوندو اشخاصو مقرره، په بانکونو د سالمې ادارې مقرره او د پولي خدمتونو د مقررې تعدیلول، تصویب کړل.
عالي شورا د اداري سمونونو په برخه کې د ځانګړو تصمیمونو د نیولو تر څنګ د افغانستان بانک د ۱۳۹۵ مالي کال لپاره بودجه، د سپمولو، د غیر اړینو لګښتونو د مخنیوۍ او د سرچینو د کارولو د اغیزناکۍ د زیاتوالي د اصل د رعایتونو په پام کې نیولو سره تصویب کړه.